“ТӨРИЙН АЛБАНЫ РЕФОРМ-БИДНИЙ ШИЙДЭЛ” ШАЛГАРУУЛАЛТЫН ШИЛДЭГ БҮТЭЭЛД ОРХОН АЙМГИЙН НИЙГМИЙН ДААТГАЛЫН УЛСЫН БАЙЦААГЧ Н.ХУЛАН ХОЁР ДУГААР БАЙР ЭЗЭЛЛЭЭ.

“Төрийн албаны реформ-бидний шийдэл” сэдэвт төрийн албан хаагчдын судалгаа, эрдэм шинжилгээний шилдэг бүтээлийн шалгаруулалтыг Төрийн албаны зөвлөлөөс энэ оны 1 дүгээр сард орон даяар нээлттэй зарласан билээ.

Шалгаруулалтын нэгдүгээр шатанд УИХ-аас удирдлага нь томилогддог байгууллага, яам, агентлаг, тэдгээрийн харьяа байгууллага болон 16 аймгийн төрийн албан хаагчдаас 47 бүтээлийг ирүүлэв. Эцсийн шатанд шалгарсан 10 оролцогч (3 баг, 7 албан хаагч) өнөөдөр илтгэлээ тавилаа.

📌 Нэгдүгээр байрт: Төрийн тусгай хамгаалалтын газрын Хүний нөөцийн хэлтсийн дарга, хурандаа Х.Эрдэнэтуяа, чиглэлийн ахлах ажилтан, ахмад Д.Нацагдорж, ажилтан, ахлах дэслэгч Э.Буянжаргал нар багаар гүйцэтгэсэн “Удирдах ажилтны ёс зүйн манлайлал албан хаагчдад нөлөөлдөг эсэхийг судалсан нь” сэдэвт бүтээлээр,

📌 Хоёрдугаар байрт: Орхон аймгийн Нийгмийн даатгалын газрын Улсын байцаагч Н.Хулан “Төрийн байгууллага сэтгэл зүйн дархлаатай байх арга замыг эрэлхийлэх нь” сэдэвт бүтээлээр,

📌 Гуравдугаар байрт: Хөвсгөл аймаг дахь Шүүхийн тамгын газрын Шүүгчийн туслах Х.Адилмаа “Төрийн албаны ачаалал албан хаагчдын сэтгэл зүйд нөлөөлөх байдлын судалгаа” сэдэвт бүтээлээр,

📌 Гуравдугаар байрт: Дорнод аймгийн Хүнс, хөдөө аж ахуйн газрын ахлах мэргэжилтэн Б.Зулцэцэг “XXI зууны төрийн албан хаагчийн цогц чадамж, өнөөгийн байдал /Дорнод аймгийн төрийн албан хаагчдын жишээн дээр/” бүтээлээр тус тус шалгарлаа.

Санаачлагч, түүчээлэгч Төрийн албаны манлайлагч залуусын төлөөлөл болсон Улсын байцаагч Н. Хуландаа баяр хүргэе.

🤝🤝Дэмжсэн хамт олондоо, “Төсөл хөтөлбөр-Инновац бүтээмж”-ийн багтаа баяр хүргэе.
Adiyatsogt Khurenbaatar багшдаа баярлалаа.