✅ ‘Нийгмийн даатгалын шимтгэлийн тайлан илгээх практик сургалт’ зохион байгуулагдлаа.

🏛️Нийгмийн даатгалын байгууллагаас шинээр бүртгүүлсэн аж ахуйн нэгж, байгууллагын удирдлага, нягтлан бодогч нарт зориулсан “Шимтгэлийн тайлан илгээх практик сургалт”-ыг 2026 оны 03 дугаар сарын 25-ны өдөр амжилттай зохион байгууллаа.

📚 Тус сургалтаар нийгмийн даатгалын тухай хуулийн ойлголт болон шимтгэлийн тайланг илгээхэд анхаарах асуудал, даатгуулагчийн төрөл, код, portal.ndaatgal.mn системд ажиллах заавар, тоон гарын үсгээр тайлан илгээх зэрэг сэдвээр Хамралт, орлогын хэлтсийн дарга Д.Буянбаяр, хяналтын улсын байцаагч Ц.Болорцэцэг нар мэргэжлийн зөвлөгөө, арга зүйн дэмжлэг үзүүлж ажиллалаа.

🤝Цаашид сар бүрийн 4 дэх 7 хоногийн Лхагва гарагт энэхүү сургалтыг тогтмол зохион байгуулах тул аж ахуйн нэгж байгууллагын удирдлага, нягтлан бодогч нарыг сургалтад хамрагдахыг урьж байна.