Нийгмийн даатгалын ерөнхий газрын дэргэдэх Эрүүл мэндийн магадлалын төв зөвлөлөөс “Эмнэлгийн хуудсыг цахимаар бичиж олгоход анхаарах асуудал” сэдэвт цахим хэлэлцүүлгийг зохион байгуулав.
Цахим хэлэлцүүлэгт Нийгмийн даатгалын ерөнхий газрын Бодлогын хэрэгжилт, судалгааны газар, Мэдээллийн технологийн төв, эрүүл мэндийн байгууллагын цахим систем хөгжүүлэгч байгууллагын төлөөлөл, аймаг, дүүргийн Нийгмийн даатгалын газрын магадлагч эмч нар болон эмнэлгийн хуудсыг бичиж олгох эрх бүхий эрүүл мэндийн байгууллагын 1000 гаруй эмч, мэргэжилтнүүд оролцож эмнэлгийн хуудасны бичилт, олголттой холбоотой тушаал шийдвэрийн хэрэгжилтийг ханган ажиллах, даатгуулагчид эмнэлгийн хуудсыг цахимаар бичиж олгох үйл явцыг чирэгдэлгүй, тэгш хүртээмжтэй үзүүлэх арга замыг тодорхойлоход чиглэсэн цахим системийн хөгжүүлэлтийг хэрхэн хийх талаар хэлэлцэж, санал солилцлоо.
