Нийгмийн даатгалын үйлчилгээг сонсголын бэрхшээлтэй иргэдэд хүртээмжтэй, чирэгдэлгүй хүргэх, тэдэнтэй харилцах харилцааны чадварыг эзэмшүүлэх зорилгоор “Дохионы хэлний анхан шатны сургалт”-ыг 2018 оны 02 дугаар сарын 20-21-ний өдрүүдэд Нийгмийн даатгалын ерөнхий газар болон дүүргийн Нийгмийн даатгалын хэлтсийн 25 байцаагч, ажилтныг хамруулан зохион байгууллаа.

Сургалтыг Сэргээн засалт, сургалт үйлдвэрлэлийн төвийн багш Б.Саранчимэг болон холбогдох мэргэжилтнүүд сонсголын бэрхшээл үүссэн шалтгаан, хэлбэр, ангилал, хурууны хөдөлгөөн, үндсэн байрлал, бие, нүүрний хөдөлгөөн, дохионы хэлний цагаан толгой, хурууны үсэг, тоо, тоолол, мэндлэх, танилцах, төлөөний үг, сэтгэлийн хөдөлгөөн, ажил мэргэжил, харилцан яриа зэрэг сэдвийн хүрээнд интерактив хэлбэрээр удирдан явуулж, батламж гардуулав.

Сургалтад хамрагдсан нийгмийн даатгалын ажилтнууд сонсголын бэрхшээлтэй иргэдтэй харилцах арга барил, дохионы хэлний анхан шатны чадвар эзэмшсэн бөгөөд өөрийн ажилладаг хэлтсийнхээ байцаагч нарт уг хичээлийг заах юм.

Цаашид сургалтад хамрагдаж амжилттай суралцсан ажилтнуудад дохионы хэлний ахисан түвшний сургалтад хамруулахаар төлөвлөж байна.

 

НИЙГМИЙН ДААТГАЛЫН  ЕРӨНХИЙ ГАЗАР