Хэлтэс, тасаг, нэгж

НИЙГМИЙН ДААТГАЛЫН ХУУЛЬ ТОГТООМЖИЙГ ХЭРЭГЖҮҮЛЭХ ЗОРИЛГООР ДАРААХ ЧИГ ҮҮРГИЙГ ХЭРЭГЖҮҮЛНЭ. ҮҮНД:

Захиргаа хяналтын хэлтэс нь орон нутагт нийгмийн даатгалын хууль тогтоомжийн хэрэгжилтийг хангах, иргэд даатгуулагчийн хууль ёсны эрх ашгийг хамгаалах, сангийн орлогын бүрдүүлэлт, зарцуулалтад хяналт хийх, нийгмийн даатгалын үйл ажиллагаатай холбоотой бодлогын баримт бичгийн хэрэгжилтэд хяналт шинжилгээ үнэлгээ хийх чиг үүрэг бүхий газрын бүтцийн нэгж юм.

НИЙГМИЙН ДААТГАЛЫН ТУХАЙ ХУУЛЬ, ТӨСВИЙН ТУХАЙ ХУУЛЬ, НЯГТЛАН БОДОХ БҮРТГЭЛИЙН ТУХАЙ ХУУЛИЙГ  ХАНГАХ ЗОРИЛГООР ДАРААХ ЧИГ ҮҮРГИЙГ ХЭРЭГЖҮҮЛНЭ. ҮҮНД:

· Нийгмийн даатгалын сангийн нягтлан бодох бүртгэлийн бодлогын баримт бичиг болон бусад холбогдох журам, зааврыг мөрдөх, санхүүгийн тайланг олон улсын стандартад нийцүүлэн бэлтгэж удирдах төв байгууллагыг мэдээллээр хангах.
· Гадаад улсад хөдөлмөрийн гэрээгээр ажиллаж буй иргэдийг нийгмийн даатгалд даатгуулах;
· Өмч хөрөнгийн ашиглалт, хадгалалт, хамгаалалтыг анхан шатны түвшинд зохион байгуулах;

ХАМРАЛТ, ОРЛОГЫН ХЭЛТСИЙН ҮНДСЭН ЗОРИЛГО НЬ МОНГОЛ УЛСЫН ХУУЛЬ ТОГТООМЖ, БОДЛОГО ШИЙДВЭРҮҮДИЙН БИЕЛЭЛТ, НИЙГМИЙН ДААТГАЛЫН ТУХАЙ ХУУЛЬ ТОГТООМЖИЙГ ХЭРЭГЖИЛТИЙГ ХАНГУУЛАХАД ОРШИНО. ҮҮНД:

• Нийгмийн даатгалын сангийн орлого бүрдүүлэх, хамралтыг нэмэгдүүлэх ажлыг зохион байгуулах.
• Нийгмийн даатгалын шимтгэл төлөлтийн тайланг ажил олгогчоос хүлээн авч мэдээллийн санд бүртгэх ажлыг хянах.
• Нийгмийн даатгалын сангийн төлөвлөгөөний биелэлт, шимтгэлийн өр авлагыг барагдуулах ажлыг зохион байгуулах.
• Нийгмийн даатгалын үйл ажиллагаагаа цаг үргэлжид сайжруулж, хуулийн хэрэгжилтийг хангаж ажиллана.
• Шүүхийн шийдвэртэй өр авлагыг барагдуулах талаар шүүхийн шийдвэр гүйцэтгэлийн газартай хамтран ажиллах;
• Даатгуулагчдад хэрэгцээ шаардлагад нийцсэн чанартай үйлчилгээг хүргэнэ.
• Нийгмийн даатгалын тухай хууль болон холбогдох хууль тогтоомжийн талаар ажил олгогч, иргэд даатгуулагчдад зөвлөгөө өгч, өргөдөл, гомдол санал хүсэлтэд хариу өгөх
• Ажил олгогч, даатгуулагчдад зориулсан сургалт, сурталчилгаа зохион байгуулах

НИЙГМИЙН ДААТГАЛЫН ХУУЛЬ ТОГТООМЖИЙГ ХЭРЭГЖҮҮЛЭХ ЗОРИЛГООР ДАРААХ ЧИГ ҮҮРГИЙГ ХЭРЭГЖҮҮЛНЭ. ҮҮНД:

Тэтгэвэр, тэтгэмжийн хэлтэс нь орон нутагт нийгмийн даатгалын хууль, нийгмийн даатгалын сангаас олгох тэтгэвэр, тэтгэмжийн тухай хууль тогтоомжийн хэрэгжилтийг хангах, иргэд даатгуулагчдад тэтгэвэр, тэтгэмж төлбөр авах эрх зүйн үндэслэлийг бүрдүүлэх цогц үйлчилгээг үзүүлэх чиг үүрэг бүхий газрын бүтцийн нэгж юм.

НИЙГМИЙН ДААТГАЛЫН ХУУЛЬ ТОГТООМЖИЙГ ХЭРЭГЖҮҮЛЭХ ЗОРИЛГООР ДАРААХ ЧИГ ҮҮРГИЙГ ХЭРЭГЖҮҮЛНЭ. ҮҮНД:

Орхон аймгийн иргэд даатгуулагч нарт Нийгмийн даатгалын үйлчилгээг холбогдох хууль, заавар журмын дагуу нэг дороос бүх үйлчилгээг түргэн шуурхай, эелдэг тусч байдлаар дараах үйлчилгээг хүргэж ажиллана.Үүнд:

1. Аж ахуйн нэгж байгууллагын нийгмийн даатгалын шимтгэлийн тайлан хүлээн авч баталгаажуулах.
2. Нийгмийн даатгалын сайн дурын даатгалын шинэ гэрээ хийх болон сунгалт хийх.
3. Тэтгэврийн материалын бүрдэл шалгаж заавар зөвлөгөө өгөх, тэтгэвэр тогтоолгох даатгуулагчийн материалыг хүлээн авч тэтгэвэр тогтоох дараагийн шатны байцаагчид шилжүүлэх.
4. Ажилгүйдлийн материалын бүрдэл шалгаж заавар зөвлөгөө өгөх, тэтгэмж тогтоолгох даатгуулагчийн материалыг хүлээн авч тэтгэмж тогтоох дараагийн шатны байцаагчид шилжүүлэх.
5. Оршуулгын тэтгэмж авах эрх үүссэн талийгаачийн ар гэрийнхэнд тэтгэмж бодож олгох.
6. Тэтгэвэр авагчийн хүсэлтээр банк солих.
7. Хөдөлмөр халамж үйлчилгээний газарт тухайн иргэний нийгмийн даатгалын шимтгэл төлж ажилласан эсэх талаар тодорхойлолт гаргаж өгөх.
8. Элчин сайдын яаманд тэтгэвэр авдаг эсэх талаар тодорхойлолт гаргаж өгөх.
9. 1995 оноос хойш ажилласан жилийн лавлагаа авах даатгуулагчийн хүсэлтийг хүлээн авч архивын байцаагчид өгөх

НИЙГМИЙН ДААТГАЛЫН ҮЙЛЧИЛГЭЭГ ЦАХИМААР ХУРДАН ШУУРХАЙ ХҮРГЭХ, ИРГЭД, ДААТГУУЛАГЧ, АЖИЛ ОЛГОГЧ БАЙГУУЛЛАГА, САЛБАР НЭГЖҮҮДЭД НИЙГМИЙН ДААТГАЛЫН  ТУХАЙ БАГЦ ХУУЛЬ БОЛОН ХОЛБОГДОХ БУСАД ХУУЛЬ ТОГТООМЖИЙГ СУРТАЛЧИЛЖ АЖИЛЛАЖ БАЙНА. ҮҮНД:

• Газрын фэйсбүүк пэйж хуудсанд Ажил олгогч, иргэд, олон нийтэд Нийгмийн даатгалын хууль тогтоомжийн талаарх болон цаг үеийн мэдээллийг олон нийтэд үнэн зөв мэдээлэл түгээх;
• Газрын фэйсбүүк пэйж хуудсанд хуулийн шинэчлэлт, өөрчлөлтийн талаар шинэ, шинэлэг постер бэлтгэн хүргэх;
• Нийгмийн даатгалын төрлүүдийн талаар сурталчилгаа хийх оновчтой хэлбэрийг сонгох, мэдээлэл, сурталчилгааны дэвшилтэт арга барилаар олон нийтэд хүргэх ажлыг шуурхай зохион байгуулах;
• Нийгмийн даатгалын газрын сургалт, хөгжлийн төлөвлөгөө, хөтөлбөр боловсруулах, сургалтын захиалга хүлээн авах, үр дүнг үнэлэх, сургалтын тайлан мэдээг гаргах;
• Үүрэн холбооны хэрэгслээр холбогдсон иргэд, олон нийтэд үнэн зөв мэдээлэл хүргэх.